बाणेरमध्ये भाजपचा थेट जनसंवाद; ‘सोसायटी टू सोसायटी’ प्रचाराला वाढता प्रतिसाद
पुणे महानगरपालिका निवडणुकीच्या पार्श्वभूमीवर प्रभाग क्रमांक ९ मधील बाणेर परिसरात भाजपने नियोजनबद्ध प्रचाराला सुरुवात केली असून ‘सोसायटी टू सोसायटी’ या संकल्पनेतून थेट नागरिकांपर्यंत पोहोचण्यावर भर दिला जात आहे. या प्रचार मोहिमेमुळे परिसरात राजकीय हालचालींना वेग आला असून नागरिकांकडून उत्स्फूर्त प्रतिसाद मिळताना दिसत आहे.भारतीय जनता पार्टीच्या अधिकृत उमेदवार सौ. रोहिणी सुधीर चिमटे, श्री. गणेश जानोबा कळमकर, सौ. मयुरी राहुल कोकाटे आणि श्री. लहू गजानन बालवडकर यांनी बाणेरमधील विविध गृहनिर्माण सोसायट्यांमध्ये सलग भेटी देत संवाद साधला. प्रचार केवळ भाषणांपुरता मर्यादित न ठेवता, नागरिकांच्या दारात जाऊन प्रत्यक्ष चर्चा करण्यात आल्याने या मोहिमेला वेगळी दिशा मिळाली आहे.बाणेरमध्ये भाजपचा थेट जनसंवाद; ‘सोसायटी टू सोसायटी’ प्रचाराला वाढता प्रतिसाद
सुप्रीम एस्ताडो, सन हॉरायझन, एस्टोनिया, अंजोर को-ऑप हाउसिंग, पार्क एक्सप्रेस आणि एसेन्सिया हाइट्स या सोसायट्यांमध्ये झालेल्या भेटीदरम्यान नागरिकांनी आपल्या दैनंदिन समस्यांबाबत मोकळेपणाने भूमिका मांडली. रस्त्यांची दुरवस्था, पाणीपुरवठा, वाहतूक कोंडी, सुरक्षितता, स्वच्छता आणि मूलभूत नागरी सुविधांवर सखोल चर्चा झाली.उमेदवारांनी भाजपच्या विकासकेंद्री धोरणांची माहिती देत भविष्यातील नियोजन स्पष्ट केले. पारदर्शक प्रशासन, वेळेत कामे पूर्ण करणे आणि नागरिकांच्या तक्रारींवर तात्काळ उपाययोजना करण्याचा निर्धार यावेळी व्यक्त करण्यात आला.
विशेष म्हणजे, अनेक सोसायट्यांमध्ये नागरिकांनी निवडणूक प्रक्रियेत सक्रिय सहभाग घेण्याची तयारी दर्शवत भाजपला पाठिंबा देण्याची ग्वाही दिली. थेट संवादामुळे प्रचार अधिक विश्वासार्ह, लोकाभिमुख आणि परिणामकारक ठरत असल्याचे चित्र स्पष्टपणे दिसून येत आहे.या सलग प्रचार दौर्यांमुळे प्रभाग क्रमांक ९ मध्ये भाजपची संघटनात्मक ताकद, नियोजनक्षमता आणि जनाधार अधिक भक्कम होत असल्याचे संकेत मिळत आहेत. वाढता नागरिक सहभाग आणि सकारात्मक वातावरण पाहता, बाणेरमधील ही प्रचार मोहीम निवडणूक समीकरणांवर प्रभाव टाकणारी ठरेल, अशी चर्चा राजकीय वर्तुळात सुरू आहे.
एकूणच, बाणेरमध्ये ‘कमळ’ चिन्हाभोवती मतदारांचे वाढते एकत्रीकरण आणि आक्रमक प्रचार धोरणामुळे प्रभाग ९ मधील लढत अधिक निर्णायक व रंगतदार होताना दिसत आहे.
