‘शब्दांपेक्षा कामाला प्राधान्य’ – सूस गावात लहू बालवडकरांना जनतेचा भक्कम कौल

सूस गावात भारतीय जनता पार्टीच्या प्रचाराला निर्णायक गती मिळाली असून, प्रभाग क्रमांक ०९ मध्ये भाजपच्या विजयाचे स्पष्ट संकेत मिळू लागले आहेत. भाजपचे अधिकृत उमेदवार सौ. रोहिणीताई चिमटे, श्री. गणेश कळमकर, सौ. मयुरीताई कोकाटे आणि श्री. लहू बालवडकर हे चौघेही प्रचंड जनसमर्थनाच्या जोरावर विजयाच्या दिशेने ठामपणे वाटचाल करत असल्याचे चित्र सध्या सूस गावात दिसून येत आहे.शब्दांपेक्षा कामाला प्राधान्य’ – सूस गावात लहू बालवडकरांना जनतेचा भक्कम कौल

भाजपाच्या प्रचारासाठी आयोजित करण्यात आलेली भव्य पदयात्रा ही केवळ प्रचाराची औपचारिकता न राहता, नागरिकांनी दिलेला स्पष्ट विजयाचा संदेश ठरली. भगवती नगर येथून सुरू झालेली पदयात्रा भैरवनाथ मंदिर येथे समारोपाला पोहोचली. संपूर्ण मार्गावर नागरिकांनी फुलांची उधळण, औक्षण, तसेच जोरदार घोषणाबाजी करत भाजप उमेदवारांचे उत्स्फूर्त स्वागत केले

सूस गावातील नागरिकांनी दिलेला हा प्रतिसाद राजकीय दृष्टिकोनातून अत्यंत महत्त्वाचा असून, भाजपच सूस गावाच्या विकासासाठी योग्य आणि विश्वासार्ह पर्याय असल्याचा ठाम संदेश यातून देण्यात आला. प्रत्येक घरातून मिळालेला पाठिंबा, ज्येष्ठ नागरिकांचे आशीर्वाद आणि युवकांचा विश्वास यामुळे भाजपचा प्रचार अधिक बळकट झाला आहे.

ही निवडणूक केवळ सत्तेसाठी नसून, जनतेच्या सेवेसाठी असल्याचे भाजपने पुन्हा अधोरेखित केले आहे. मतदारांनी दिलेले प्रत्येक मत हे सूस गाव आणि संपूर्ण प्रभाग क्रमांक ०९ च्या प्रगतीचा मजबूत पाया ठरणार असून, विकासालाच सर्वोच्च प्राधान्य दिले जाईल, असा विश्वास पक्षाकडून व्यक्त करण्यात आला.

भाजपने पुढील पाच वर्षांसाठी सविस्तर आणि ठोस विकास आराखडा नागरिकांसमोर मांडला आहे. यामध्ये रस्ते, पाणीपुरवठा, ड्रेनेज व्यवस्था, स्वच्छता, आरोग्य सुविधा, उद्याने, स्ट्रीटलाइट्स आणि वाहतूक व्यवस्थेचा सर्वांगीण विकास करण्यात येणार असल्याचे आश्वासन देण्यात आले. विकास केवळ आश्वासनांपुरता मर्यादित न राहता, तो प्रत्यक्ष नागरिकांच्या दैनंदिन जीवनात दिसून येईल, असा ठाम विश्वास उमेदवार लहू बालवडकर यांनी व्यक्त केला.

पदयात्रेदरम्यान नागरिकांना संबोधित करताना लहू बालवडकर म्हणाले, “मला सेवा करण्याची संधी द्या. पुढील पाच वर्षे ही आपल्या प्रभागाच्या सर्वांगीण विकासासाठी समर्पित असतील. भाजप शब्दांपेक्षा कामातूनच आपली विश्वासार्हता सिद्ध करेल.”या भव्य पदयात्रेनंतर एक गोष्ट निर्विवादपणे स्पष्ट झाली आहे की, सूस गावात भाजपला जनतेचा ठाम पाठिंबा मिळत असून, प्रभाग क्रमांक ०९ मध्ये विजयाचा कल स्पष्टपणे भाजपच्या बाजूने झुकलेला आहे.