पुरग्रस्तांच्या मदतीसाठी ‘पुणे चॅरिटी क्रिकेट लीग’ संपन्न

अतिवृष्टीमुळे प्रभावित भागातील कुटुंबांसाठी पुण्यात चॅरिटी क्रिकेट स्पर्धा आयोजित पुरग्रस्तांच्या मदतीसाठी ‘पुणे चॅरिटी क्रिकेट लीग’ संपन्न

मराठवाड्यासह सोलापूर आणि इतर जिल्ह्यांमध्ये अतिवृष्टीमुळे निर्माण झालेल्या पूरग्रस्तांसाठी अलविरा मोशन एन्टरटेनमेंट च्या वतीने कशिश सोशल फाउंडेशनच्या आयोजनात ‘पुणे चॅरिटी क्रिकेट लीग’ चे आयोजन करण्यात आले.

या स्पर्धेत चित्रपट कलावंत, तंत्रज्ञ, डॉक्टर्स, सीए, पत्रकार, महापालिका अधिकारी, पोलिस, आयटीयन्स इत्यादी विविध क्षेत्रातील मान्यवरांचे संघ सहभागी झाले. स्पर्धेचे ब्रँड अँबेसेडर होते माजी एसीपी भानुप्रताप बर्गे.

अतिवृष्टीमुळे धाराशिव, सोलापूर, मराठवाडा, नांदेड अशा अनेक भागात मोठी हानी झाली होती. जीवित व वित्तहानीमुळे अनेक कुटुंबे उध्वस्त झाली. अशा आपत्कालीन परिस्थितीत पुरग्रस्तांना मदत व्हावी या उद्देशाने पुणे चॅरिटी क्रिकेट लीग आयोजित करण्यात आली.

स्पर्धेत सहभागी संघाची मालकी मेघराज राजेभोसले, संकेत शिंदे, डॉ. अमित आंद्रे, सई वढावकर, संग्राम पवार, रिया चौहान, राहुल जोशी, डॉ. स्वप्नील कांबळे, दशरथ बच्चे, लीना मोदी, उदय देशमुख, जयदीप पाटील, मनोज शिंगुस्ते, गौरवराज यांनी स्वीकारली होती.

स्पर्धेत एमआरबी आर्टिस्ट आर्मीने विजेतेपद तर श्री गजानन 24 कॅरेट कलाकार संघने उपविजेतेपद पटकावले.

अलविरा मोशन एन्टरटेन्मेंटच्या दीपाली कांबळे म्हणाल्या,

“खर तर पुरग्रस्तांची मदत नाही तर सेवा म्हणून काम करायचे आहे. कारण मदत घेणारे हात परिस्थितीसमोर हतबल आहेत त्यामुळे मदत नाही ही आमची सेवा आहे. आज वेळ त्यांच्यावर आहे, उद्या आपल्यावर असेल. आम्हांला या क्रिकेट लीगच्या माध्यमातून अनेक लोकांपर्यंत पुरग्रस्तांवर आलेल्या परिस्थितीची जाणीव करून द्यायची होती आणि मानवतेचा हात पुढे करा हे सांगायचे होते.”

कशिश सोशल फाउंडेशनचे अध्यक्ष, पुण्याचे पॅडमॅन योगेश पवार म्हणाले,

“महाराष्ट्र क्रिकेट संघटनेचे अध्यक्ष आमदार रोहित पवार यांच्या आवाहनाला प्रतिसाद देत आम्ही पुणे चॅरिटी क्रिकेट लीग स्पर्धेचे आयोजन केले. स्पर्धेच्या ठिकाणी मदत कक्ष उभारण्यात आला होता, यामध्ये पुरग्रस्तांसाठी कपडे, पुस्तके, लहान मुलांसाठी खेळणी, सॅनिटरी पॅड, पादत्राणे जमा करण्यात आली, आणि आता ही मदत पुरग्रस्तांना पाठवण्यासाठी एमसीए कडे सुपूर्त करण्यात येणार आहे.”

चॅरिटी क्रिकेट लीगसाठी संकेत शिंदे, स्मिता मधुकर, अर्चना माघाडे, पूर्णिमा लुणावत, समीर गाडगीळ, ओंकार जाधव, आनंद खुडे, सौरभ पाटील यांचे विशेष सहकार्य लाभले.