वेद भारतीय संस्कृतीचा आत्मा आहे : परमपूज्य स्वामी श्री गोविंददेव गिरीजी महाराज
भारतीय संस्कृति ही वेदमूलक आहे. त्या ज्ञानाच्या उपासनेतूनच एक दिवस भारत माता विश्वगुरू होईल. “वेद हा भारतीय संस्कृतीचा आत्मा आहे”, असे गौरवोद्गार अयोध्या श्री राम मंदिर ट्रस्टचे कोषाध्यक्ष स्वामी गोविंददेव गिरी महाराज यांनी काढले. अशोक सिंघल हे खऱ्या अर्थाने वेदोपासक होते, असेही त्यांनी सांगितले.
भारतात्मा अशोक सिंघल वेद पुरस्कार वितरण
विश्व हिन्दू परिषदेचे संस्थापक सदस्य आणि श्री रामजन्मभूमी आंदोलनाचे अग्रणी अशोक सिंघल यांच्या पुण्यतिथीनिमित्त दरवर्षी भारतात्मा अशोक सिंघल वेद पुरस्कार प्रदान केले जातात.
२०२५ चे पुरस्कार सोमवार, १७ नोव्हेंबर २०२५ रोजी
बीएमसीसी रोड, दादासाहेब दरोडे सभागृह, पुणे येथे वितरित करण्यात आले.
पुरस्कार विजेते :
- उत्कृष्ट वेद विद्यार्थी पुरस्कार :
श्री नोरी केदारेश्वर शर्मा (हैदराबाद) - आदर्श वैदिक शिक्षक पुरस्कार :
श्री अनंत कृष्ण भट्ट (चेन्नई) - सर्वोत्कृष्ट वैदिक संस्था पुरस्कार :
श्री दत्तात्रेय वेद विद्यालय, राजमहेंद्रवरम (आंध्र प्रदेश)
पुरस्कार सामग्री :
₹३ लाख, ₹५ लाख आणि ₹७ लाख रोख पुरस्कार, प्रमाणपत्र आणि स्मृतिचिन्हे.
पुरस्कार प्रदानकर्ते : स्वामी गोविंददेव गिरी महाराज व आचार्य प्रद्युम्न महाराज
कार्यक्रमास सिंघल फाउंडेशन मार्गदर्शक रवींद्र मुळे, मुख्य विश्वस्त संजय सिंघल आणि सलिल सिंघल उपस्थित होते.
“वैदिक विद्वानांचा सन्मान म्हणजे राष्ट्राचा सन्मान” — स्वामी गोविंददेव गिरी महाराज
गिरी महाराज म्हणाले :
- कलाकार, खेळाडू, साहित्यिक यांचा सन्मान होतो, परंतु वेदांचे जतन करणाऱ्या वैदिक विद्वानांकडे दुर्लक्ष होते.
- वैदिक विद्वान हे राष्ट्राचे कार्य करत आहेत, म्हणून त्यांचा सन्मान म्हणजे राष्ट्राचा सन्मान.
- वेद आणि वैदिक धर्माचे महत्व वाढले असले तरी त्याची पुनर्प्रतिष्ठापना गरजेची आहे.
- वेद प्रसार करणाऱ्यांचा सन्मान करून सिंघल फाउंडेशन वेदिकतेची परंपरा मजबूत करत आहे, हे समाधानकारक आहे.
“वेद आम्हाला निष्काम कर्म शिकवतात” — आचार्य प्रद्युम्न महाराज
परमपूज्य आचार्य श्री प्रद्युम्नजी महाराज यांनी मार्गदर्शन करताना सांगितले :
- वेद आम्हाला कर्म आणि निष्काम कार्य शिकवतात.
- वैयक्तिक सुखाचा त्याग करून समाजाला ज्ञान प्रवाहित करणे—हेच खरे वेदकर्म.
- वेद आत्मसात करणे म्हणजे वेदांना समर्पित होणे.
- जीवनात यशस्वी व्हायचे असेल तर शास्त्रवचन आणि गुरुवचन पालन आवश्यक आहे.
“अशोक सिंघल यांचे जीवन म्हणजे वेद आणि राम मंदिर संघर्षाची गाथा” — संजय सिंघल
प्रास्ताविकात संजय सिंघल म्हणाले :
- अशोक सिंघल यांचे जीवन म्हणजे वेद आणि राम मंदिर संघर्षाची गाथा.
- त्यांच्या कार्याचा गौरव म्हणून वेद प्रसार करणाऱ्यांना सन्मानित करण्याची संकल्पना सिद्ध झाली.
- सरसंघचालक मोहन भागवत यांनी पुरस्काराचे नाव “भारतात्मा” ठेवण्याचा सल्ला दिला.
- हे पुरस्कार भविष्यात निरंतरपणे दिले जातील.
कार्यक्रमातील विशेष मुद्दे
- कार्यक्रमाची सुरुवात वेद वंदनेने
- पाहुण्यांचे पारंपरिक स्वागत
- ज्युरींचा सत्कार स्वामी गोविंददेव गिरी महाराज आणि आचार्य प्रद्युम्न महाराज यांच्या हस्ते
- सूत्रसंचालन : शुभम शर्मा
- आभार प्रदर्शन : संजय सिंघल
पुरस्कारासाठी जूरी समिती
- मोरेश्वर विनायक घैसास – ऋग्वेद, पुणे
- श्री कृष्ण पुराणिक – शुक्ल यजुर्वेद, गुवाहाटी
- ए.एन. नारायण घनपाठी – कृष्ण यजुर्वेद, वाराणसी
- आर. चंद्रमौली श्रुती – सामवेद, चेन्नई
- रमेशवर्धन – अथर्ववेद, गोकर्ण, कर्नाटक
अनुशंसा (शिफारस) समिती
- गणेशवर जोगले – ऋग्वेद, गोकर्ण, कर्नाटक
- कीर्तीकांत शर्मा – शुक्ल यजुर्वेद, दिल्ली
- श्री कृष्ण मधुकर पळसकर – सामवेद, नाशिक
- रामचंद्र जोशी – अथर्ववेद, तिरुपती
