‘ओरिजिन फ्रेश’ची पश्चिम भारतात दमदार एन्ट्री; पुण्याच्या कोरेगाव पार्कमध्ये पहिले भव्य स्टोअर सुरू!

भारतातील प्रीमियम ताज्या फळभाज्यांच्या क्षेत्रातील अग्रगण्य ब्रँड ‘ओरिजिन फ्रेश’ (Origin Fresh) ने पश्चिम भारतातील आपल्या व्यावसायिक विस्ताराला सुरुवात केली आहे. या धोरणाचा एक भाग म्हणून कंपनीने पुण्यातील कोरेगाव पार्क येथे आपले पहिले ‘वॉक-इन’ स्टोअर सुरू केले आहे.‘ओरिजिन फ्रेश’ची पश्चिम भारतात दमदार एन्ट्री; पुण्याच्या कोरेगाव पार्कमध्ये पहिले भव्य स्टोअर सुरू!

महाराष्ट्र नवनिर्माण सेनेचे सरचिटणीस श्री. रणजीत श्रीकांत शितोळे यांच्या हस्ते फीत कापून या नवीन आऊटलेटचे अधिकृत उद्घाटन करण्यात आले. बंगळुरू येथे मुख्यालय असलेल्या या कंपनीसाठी हा विस्तार व्यावसायिकदृष्ट्या एक महत्त्वाचा टप्पा मानला जात आहे.

प्रकल्पाची प्रमुख वैशिष्ट्ये:

• उत्पादनांची व्याप्ती: स्टोअरमध्ये फळे, भाजीपाला, हायड्रोपोनिक उत्पादने, विदेशी उत्पादने आणि दैनंदिन गरजेच्या वस्तूंचे २५० हून अधिक प्रकार (SKUs) उपलब्ध.
• तंत्रज्ञानाचा वापर: ग्राहकांना अत्यंत ताजी उत्पादने पुरवण्यासाठी कृत्रिम बुद्धिमत्ता (AI) आधारित साठा नियोजन आणि ‘कंट्रोल्ड कोल्ड-चेन’ (Controlled Cold-chain) पायाभूत सुविधांचा वापर.
• हायड्रोपोनिक शेती: ‘डीप वॉटर कल्चर’ (DWC) तंत्रज्ञानामुळे अधिक पोषक, अवशेषमुक्त आणि जास्त ‘शेल्फ लाईफ’ असलेली उत्पादने बाजारात उपलब्ध.
• शेतकरी सक्षमीकरण: कंपनीच्या उत्पादन प्रक्रियेत ५० टक्क्यांहून अधिक महिला शेतकऱ्यांचा सहभाग असून, १०,००० हून अधिक छोट्या शेतकऱ्यांचे नेटवर्क कंपनीशी जोडले गेले आहे.
• कमीतकमी नुकसान: कंपनीच्या संपूर्ण पुरवठा आणि कार्यप्रणालीत उत्पादनांची नासाडी ५ टक्क्यांपेक्षा कमी राखण्यात यश.

ओम्नीचॅनल मॉडेल आणि तांत्रिक सुविधा

‘ओरिजिन फ्रेश’ केवळ प्रत्यक्ष स्टोअर्सपुरती मर्यादित नसून, कंपनी स्वतःचे ॲप, संकेतस्थळ आणि क्विक-कॉमर्स प्लॅटफॉर्मच्या माध्यमातून ‘ओम्नीचॅनल’ (Omnichannel) व्यवसाय मॉडेलवर कार्यरत आहे.

या प्रणालीचे प्रमुख वैशिष्ट्य म्हणजे ॲपवर उपलब्ध असलेली ‘रायपनेस कोटियंट’ (Ripeness Quotient) सुविधा. याद्वारे ग्राहकांना फळांच्या पिकण्याच्या अवस्थेनुसार आणि त्यांच्या वापराच्या नियोजित वेळेनुसार उत्पादनांची निवड करता येते. यासोबतच, दर्जा राखण्यासाठी कंपनी सोर्सिंग, ग्रेडिंग, हाताळणी, साठवण आणि वितरण या पाच टप्प्यांच्या कठोर गुणवत्ता नियंत्रण प्रक्रियेचे पालन करते.

मान्यवरांचे प्रतिनिधिक विचार

प्रशांत वासन, सह-संस्थापक आणि मुख्य कार्यकारी अधिकारी (CEO), ओरिजिन फ्रेश:

“पुणे हे आमच्या विकास प्रवासातील एक महत्त्वाचे पाऊल आहे. दर्जेदार, अस्सल आणि आरोग्यदायी अन्नपदार्थांना प्राधान्य देणारा ग्राहकवर्ग या शहरात आहे. कोरेगाव पार्क हा परिसर विशेषतः आधुनिक आणि आहाराविषयी सजग असलेल्या ग्राहकांचा असल्याने तो आमच्या विस्तारासाठी आदर्श ठरतो. पुणे ही आमच्या पश्चिम भारतातील विस्ताराची पहिली पायरी असून या भागात आम्हाला मोठ्या प्रमाणावर व्यावसायिक वाढीची संधी दिसत आहे.”

श्री. रणजीत श्रीकांत शितोळे, सरचिटणीस, मनसे:

“शेतकरी वर्गाला आधार देत असतानाच ताजी फळे आणि भाज्या अधिक सहजपणे उपलब्ध करून देण्यावर लक्ष केंद्रित करणारा हा ब्रँड पाहणे उत्साहवर्धक आहे. ओरिजिन फ्रेशची गुणवत्ता, ताजेपणा आणि सोय पुणेकर नक्कीच पसंत करतील. भविष्यात त्यांचा पुणे आणि मुंबईमध्ये अधिक विस्तार व्हावा आणि अधिकाधिक कुटुंबांना दर्जेदार उत्पादने मिळावीत, अशी मी अपेक्षा करतो.”

जागतिक दर्जाची उत्पादने आता पुण्यात

कोरेगाव पार्कच्या नव्या स्टोअरमध्ये देशांतर्गत उत्पादनांसोबतच १५० हून अधिक विशेष आणि विदेशी उत्पादनांचा (Exotic Products) समावेश आहे. यामध्ये कोरियन पिअर्स, जपानी सन फुजी सफरचंद, कॉटन कँडी द्राक्षे आणि यलो ड्रॅगन फ्रूट यांसारख्या उत्पादनांचा समावेश असून, जागतिक दर्जाच्या खाद्यसंस्कृतीची मागणी पूर्ण करण्यावर कंपनीचा भर आहे.

सध्या ओरिजिन फ्रेशची स्टोअर्स बंगळुरू, म्हैसूर, चेन्नई आणि पुणे येथे कार्यरत असून, येत्या काही महिन्यांत किरकोळ विक्री (Retail) क्षेत्रात अधिक गुंतवणूक करून आपला विस्तार वाढवण्याचा कंपनीचा मानस आहे.त कार्यरत असून, भविष्यात या क्षेत्रात आणखी विस्तार करण्याची कंपनीची योजना आहे.